Дөнья татарлары шурасының 1943 елгы депортация еллыгы уңаеннан карачай-балкар халкына мөрәҗәгате

Кадерле кардәшләребез – карачайлар һәм балкарлар!

Бу кайгылы көндә, сезнең халкың депортацияләнгән көнне искә алганда, Дөнья татарлары советы сезгә тирән кайгы уртаклашу, кардәшлек һәм теләктәшлек сүзләрен җиткерә.

81 ел элек Сталин режимы кешелеккә каршы иң авыр җинаятьләрнең берсен кылды – бөтен бер халыкны туган җиреннән көчләп сөрде. Дистәләгән мең карачай үз йортларыннан куылды, ерак якларга, кеше түзә алмаслык шартларда җибәрелде. Бу фаҗига һәр нәселгә, һәр гаиләгә тирән яра салды. Әмма ата-бабаларыгызның нык рухы, иманы һәм сабырлыгы аларга бу сынауны лаеклы үтәргә көч бирде.

Без, татарлар, үзебез дә репрессияләр, сөргеннәр һәм дәүләтчелегебезне югалтуны кичергән халык буларак, сезнең кайгыгызны яхшы аңлыйбыз. Юлда һәлак булганнарны, сөргендә үлгәннәрне, туган якларына кайта алмыйча гомерләре өзелгәннәрне без дә сезнең белән бергә искә алабыз.

Шул ук вакытта без карачай-балкар халкының ныклыгын хөрмәт итәбез. Сез телегезне, мәдәниятегезне, гореф-гадәтләрегезне һәм намусыгызны саклап калдыгыз. Туган җирегезгә кайтуыгыз – сынмас рух һәм тамырларга тугрылык билгесе. Без – кардәш халыклар. Телләребез бик якын, динебез бер, язмышыбыз уртак.

Дөнья татарлары советы депортация корбаннарының якты истәлеге алдында баш ия һәм халыкларыбызның бердәмлеге киләчәктә тагын да ныгыр дип ышана.

Халыкларыбызның бердәмлеге, кардәшлеге һәм үзара терәк булуы киләчәктә дә ныгысын. Бергәләп азатлыкка ирешергә язсын.

Бергә – мәңгегә!

02.11.2024